香港新浪網 MySinaBlog
« 上一篇 | 下一篇 »
Zoomimaging | 24th May 2008, 12:30 PM | 投資-匯海縱橫 | (287 Reads)

上週講香港捐款必定打破記錄~果然短時間內就億億聲咁捐!香港人樂善好施精神充分發揮!災區救人工作差不多到尾聲,接下來是清理及重建工程.包括硬件如道路/電力/通訊/房屋及更重要的是軟件工程如心理治療,大災難後會出現心理問題好像經過戰爭一樣.需長時間治療.香港醫療專業人仕都親身到災區幫忙,國家有難,匹夫有責!我地小市民出唔到力都出少少錢啦!

Picture

本週大家注意力集中係四川,股市就落井下石,靜雞雞跌左900幾點.油價同澳元一樣高處未算高見過135元.美股低收誠哥都話次按問題還未過去!令美元資產價格繼續下跌.美元這個升浪是否短命鬼?好快就知~

睇睇各外幣走勢先...

歐元果然升穿1.5650見1.5772收市~上週策略都係以1.5650為分界線,如穩守該水平之上收市可試好倉,如跌破反之!

日元也回升至103.30收市,但都未想沽yen~再等等如守於102.00之上,下週可試沽!

瑞郎跟隨歐元走強見1.0236收市~如下週失守1.0200可能有更大跌幅!

加元好倉守左幾個星期終於升番少少啦~見0.9882收市!止蝕推前保本先~

英磅好在醒目,再反升至1.9796收市~平倉平得幾靚仔^^後市睇睇先好~

澳元升極都重有~收0.9599!升市莫估頂又一好例子~後市睇好過買啦!

下週見!

(本文版權屬作者及本網誌所有,如欲洽商出版事宜,請與本網誌聯絡。)

PictureSam 一位有十多年外匯投資經驗的炒家,參與博客之目的主要是對自己的分析作記錄,希望透過簡短的記錄對主要外匯升跌作出推算,不求故作高深的分析,只為求真與分享。