香港新浪網 MySinaBlog
« 上一篇 | 下一篇 »
Zoomimaging | 3rd May 2008, 15:47 PM | 投資-匯海縱橫 | (290 Reads)

本週全港市民都好像入左明教咁~個個都拜聖火^^劉華就成個張無忌咁,受教眾們一致歡迎!現在好多人講笑咁話不如劉華做下任特首啦^佢受歡迎指數差d拍著曾生!不過我地個醒目仔特首真係要贊下佢!前一天重哭著臉,昨天就好笑容過青冀蝠王韋一笑~反應之快連佢下面d馬仔都跟唔著咁滯^香港由佢老人家帶領中央可以放心啦!

Picture

股市再升700幾見26241點,如上週所講睇好乃現市共識.希望這個反彈浪深d啦~多d人走到貨,因為環球經濟前景真係唔多睇好,高油價引發連鎖反應令通貨膨脹深化.現今世界經濟好像流感一樣已變種!產品價格已不能以舊方法分析,交易費用受互聯網影響進一步下降.生物工程進步亦開始影響農業生產,新世界遊戲規則有新的定義.投資者要有新思維才能賺錢^^

講番d贏錢野先啦...

歐元應聲再跌見1.5410收市,大形勢已轉弱~沽左貨要小心放止蝕!如反手升穿1.5550左右要止蝕保本,下週如不殺淡倉就有排跌啦!

日元乖乖見105.34,由100算睇淡佢都有500幾點贏~一如之前的設定,把止蝕盤推前到103.50保著利潤!止蝕唔止賺~讓利潤往前跑吧!

瑞郎未見升勢反跌至四腳朝天,見1.0562~形成一個好靚的圓頂,估計作一次反彈後會再趺,等等添~

加元不動,現價牛皮待變,收1.0192~如好倉未走還可以睇多一週!

英鎊沽左贏100點左右,止蝕不動!

澳元回升一點見0.9359,下週如跌穿0.9260試沽之!

下週見~

(本文版權屬作者及本網誌所有,如欲洽商出版事宜,請與本網誌聯絡。)

PictureSam 一位有十多年外匯投資經驗的炒家,參與博客之目的主要是對自己的分析作記錄,希望透過簡短的記錄對主要外匯升跌作出推算,不求故作高深的分析,只為求真與分享。