香港新浪網 MySinaBlog
« 上一篇 | 下一篇 »
Zoomimaging | 5th Apr 2008, 00:18 AM | 投資-匯海縱橫 | (284 Reads)

今年第一季結束!又係時候作個小結.第一季國際投資市場主要受美國信貸危機影響,美元於第一季走軟~對各主要貨幣都見近年新低.加上油價金價高企,令美股一再受壓!港股亦從天上面跌下來第一季下跌三千幾點.成交量亦下跌!展望第二季是否最壞的情況已經過去呢?美國剛公佈上月份失業率見5.1%,本月再減息半個巴先機會增加!息口標示著信貸市場的基本面貌,以現時走勢來看,美國信貸市場信心危機未過去!下一季還會是困擾投資市場的最大問題~但春江水暖鴨先知.美金當然是一隻鴨仔啦!要係外匯贏錢,就係快人一步!(但快太多又唔得~)

Picture

講番自己第一季成績只是平平,因素有三:1)業餘炒家受本業影響無時間追貼市況,有時真係唔得閒睇.2)自己對太低美元有介心,係第一季美元低走時追沽風險太高.贏唔到無所謂,錢輸左就好難追番!3)運氣~

歐洲貨幣(包括歐元及瑞郎)第一季高處未算高!我都係睇多過買,風險太高也!

日元同上,去年第四季睇好贏左後收盤,到現在100算左右又開始買美金!

加元最水皮^^輸左180點!

英鎊就最攪笑,2.0200水平沽到1.9330左右冇理佢冇平倉又冇放前止蝕位,之後反彈到2算水平才平倉,贏得200點左右~贏少左500點左右,真失敗!

好在澳元爭番口氣,第一季贏750點^^張成績表先至無咁肉酸!

因為我基本睇好美金會反彈,所以第一季美元低走令我偏向不做單,贏少左好多.希望第二季有所改善!

睇番下週...

歐元初步於1.5900受地心吸力吸著,收1.5732!後市未見到有單做~

日元於100算左右暫時企穩,收101.58~三月份日本年結後希望美金找到個低!睇淡不變,止蝕可改100算先保不失!

瑞郎跟著大佬歐元一齊上落,睇法一樣!

加元睇法不變.

英鎊睇淡不變,短止蝕2算收市平倉走人^^

澳元再收高一點見0.9216,我都未做單~睇多幾日先好d~

下週再見!

(本文版權屬作者及本網誌所有,如欲洽商出版事宜,請與本網誌聯絡。)

PictureSam 一位有十多年外匯投資經驗的炒家,參與博客之目的主要是對自己的分析作記錄,希望透過簡短的記錄對主要外匯升跌作出推算,不求故作高深的分析,只為求真與分享。