香港新浪網 MySinaBlog
« 上一篇 | 下一篇 »
Zoomimaging | 29th Mar 2008, 20:47 PM | 投資-匯海縱橫 | (333 Reads)

本週有報導指香港的"百萬富翁"人數減少左!唔知會唔會係你呢^^股市下跌令金錢人間蒸發!大家心情都無咁靚.但其實如果你是"百萬富翁"一份子(講緊係流動現金有一百萬或以上),唔見左的都只是副身家面頭個十張八張,又唔洗攪到訓唔著的!投資有上有落好平常,風險與利潤大部份時間都是成正比例的.有番三兩次熊市經驗而死唔去的,才可以算是一名有經驗的投資者,那些甚麼學生,街市股神大多數一把熊掌就消失九成幾!戰場上老兵死亡率係最低的!

Picture

講番外匯啦...

歐元又比好友驚喜~再創新高收市見1.5808!後市睇法不變~齋睇唔買@

日元回跌一點見99.18~如上星期做左淡倉都未死得,止蝕還在!開始睇淡不變~

瑞郎跟著大佬歐元共同進退!睇法同上上~

加元回升小小見1.0205收市,未走出上下限暫不理佢!

英鎊回升一點見1.9935收市~下週可試沽!

澳元一如估計未再下跌,回升至0.9171收市!下週要睇定就來手,我覺得可再升一點點找靚位沽~

下週再見^^

(本文版權屬作者及本網誌所有,如欲洽商出版事宜,請與本網誌聯絡。)

PictureSam 一位有十多年外匯投資經驗的炒家,參與博客之目的主要是對自己的分析作記錄,希望透過簡短的記錄對主要外匯升跌作出推算,不求故作高深的分析,只為求真與分享。